மஹிமா நம்பியாருக்கு இப்படி ஒரு திறமை இருக்கா! வீடியோ பார்த்து வியந்த ரசிகர்கள்

சினிமா

நடிகை மஹிமா நம்பியாரை அனைவருக்கும் நினைவிருக்கும். சமுத்திரகனியின் சாட்டை படத்தில் பள்ளி மாணவியாக நடித்திருந்தவர் தான் மஹிமா. அந்த படம் மூலமாக தமிழ சினிமாவில் அறிமுகமான அவர் அதன்பிறகு குற்றம் 23, கொடிவீரன், மகாமுனி என பல படங்களில் தொடர்ந்து நடித்து வருகிறார்.

சாட்டை படத்தில் நடித்தபோது அவர் பள்ளியில் படித்துக்கொண்டிருந்தார். அந்த படம் நல்ல வரவேற்பை பெற்றாலும் அவர் சில வருடங்கள் இடைவேளை எடுத்துக்கொண்டு தன் பள்ளி படிப்பை முடித்துவிட்டு பின்னர் மீண்டும் சினிமாவில் நடிக்க துவங்கினார்.

தற்போது கொரோனா காரணமாக அனைத்து படங்களின் படபிடிப்புகளும் நிறுத்தப்பட்டுள்ளது. அதனால் வீட்டிலேயே இருக்கும் மஹிமா தனது வீட்டில் பல வித்யாசமான பல விஷயங்களை செய்து வருகிறார்.

தன் வீட்டின் சுவற்றில் ஓவியம் வரைந்து வருவதாக அவர் கூறி ஒரு வீடியோவை வெளியிட்டுள்ளார். தான் தொழில்முறை ஓவியர் அளவுக்கு திறமையானவர் இல்லை என நடிகை கூறினாலும் அவர் வரைந்துவரும் ஓவியம் சிறப்பாகவே இருக்கிறது என அவரது ரசிகர்கள் கூறுகின்றனர்.

வீட்டில் அடைந்திருப்பது தனக்குள் இருக்கும் பிக்காஸொவை வெளியில் வரவைத்துள்ளது என மஹிமா கூறியுள்ளார்.

மற்ற நடிகைகள் சமைப்பது, ஒர்க் அவுட் செய்வது, யோகா செய்வது, நடனம் ஆடுவது என வீடியோ எடுத்து வெளியிடுகின்றனர். மஹிமா சற்று வித்தியாகமாக ஓவியம் வரைவதை காட்டியிருப்பது ரசிகர்களை வெகுவாக கவர்ந்துள்ளது.

நான்கு நாட்கள் வீட்டில் இருந்ததற்கே இவ்வளவு திறமை வெளியில் வந்திருக்கிறது என்றால், இன்னும் மூன்று வாரங்களில் என்னவெல்லாம் ஆச்ச்ர்யம் கொடுக்க போகிறாரோ என்றும் ரசிகர்கள் புகழ்ந்து தள்ளியுள்ளனர்.

Leave a Reply

Your email address will not be published. Required fields are marked *