சூப்பரான ஸ்நாக்ஸ் பட்டர் முறுக்கு

ஆரோக்கிய சமையல்

தேவையான பொருட்கள் :

அரிசி மாவு – 3 கப்

கடலை மாவு – 1/2 கப்
உளுந்து மாவு – 1 தேக்கரண்டி
சீரகம் – 2 மேசைக் கரண்டி
பெருங்காயம் – சிறிதளவு
உப்பு – தேவையான அளவு
வெண்ணெய் – 5 தேக்கரண்டி

எண்ணெய் – பொரிப்பதற்கு தேவையான அளவு

செய்முறை :

எண்ணெய் தவிர அனைத்து பொருட்களும் ஒரு பெரிய பாத்திரத்தில் போட்டு கட்டியில்லாமல் கலக்கவும்.

வெண்ணெயை உதிர்த்து மற்ற பொருட்களுடன் சேர்த்து நன்றாக கலக்கவும்.

மாவில் கொஞ்சம் கொஞ்சமாக சிறிது வெந்நீர் விட்டு நன்றாக பிசையவும். மாவு சிறிது கெட்டியாக இருக்க வேண்டும்.

பிசைந்த மாவின் மீது ஒரு துணி போட்டு மூடி வைக்கவும்.

முறுக்கு அச்சில் எண்ணெய் தடவி, தேவையான அளவு மாவை அச்சில் போட்டுக்கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் எண்ணெயில் மாவை முறுக்குகளாக பிழியந்து பொன்னிரமாக எடுக்கவும்.

சூடான, மொறு மொறுவென பட்டர் முறுக்கு தயார்.

இதை காற்று போகாத டப்பாவில் போட்டு வைத்து 10 நாட்கள் வரை பயன்படுத்தலாம்.

Leave a Reply

Your email address will not be published. Required fields are marked *