காதலனுடன் ஜாலி வாழ்க்கை… இளைஞர்களிடம் பணம் மோசடி… சேலத்தில் கைதான இளம்பெண்…

சினிமா
காதலனுடன் ஜாலி வாழ்க்கை… இளைஞர்களிடம் பணம் மோசடி… சேலத்தில் கைதான இளம்பெண்….
வெளிநாடுகளில் வேலை வாங்கி தருவதாக ஏமாற்றும் போலி ஏஜென்சிகளின் வழியில் தனி ஒரு பெண்ணாக இருந்து வாலிபர்களை ஏமாற்றி பணம் சுருட்டியுள்ள சம்பவம் சேலத்தில் பரபரப்பை ஏற்படுத்தியுள்ளது.

தஞ்சாவூர் மாவட்டம் பழனிக்கோட்டையை சேர்ந்தவர் டிம்பிள்சியா (26). இவர் சேலத்தை சேர்ந்த லோகேஸ்வரன் என்பவருக்கு விமான நிலையத்தில் வேலை வாங்கி தருவதாக ஆசையை தூண்டியிருக்கிறார். அதுவரை நம்பிக்கையாக பேசி வந்த டிம்பிள்சியாவின் வார்த்தைகளில் சரிந்த லோகேஸ்வரன், எப்படியாவது விமான நிலையத்தில் வேலை கிடைத்தால் போதும் நம்முடைய வாழ்க்கை மாறிவிடும் என நினைத்திருந்தார்.

வேலை அமைத்து தர செலவாகும் என்று லோகேஸ்வரனிடம் இருந்து டிம்பிள்சியா, 5.50 லட்சம் வரை பெற்றுள்ளார். இதையடுத்து லோகேஸ்வரனின் நெருங்கிய நண்பர்களும், தங்களுக்கும் வேலை வேண்டுமென தலா 5.50 லட்சம் கொடுத்துள்ளனர்.

பணத்தை பெற்றுக்கொண்ட டிம்பிள்சியா, அனைவருக்கும் இந்த நாளில் வேலை கிடைத்துவிடும் என்ற தேதியையும் கூறியுள்ளார். ஆனால் குறித்த தேதியில் எவ்வித வேலை அழைப்பும் வராததால், குழப்பமடைந்த லோகேஸ்வரனும் அவரது நண்பர்களும் டிம்பிள்சியாவை தொடர்பு கொண்டு பேசினர். அப்போது அவர் முன்னுக்கு பின் முரணாக பதிலளித்துள்ளார்.

பணம் பறிபோய்விட்டதோ என்று அதிர்ச்சியடைந்த அவர்கள் சேலம் மாவட்ட காவல் நிலையத்தில் புகார் அளித்ததோடு, தப்பி செல்ல முயன்ற டிம்பிள்சியாவை மடக்கி பிடித்து போலீசாரிடம் ஒப்படைத்தனர். பின்னர் போலீசார் நடத்திய விசாரணையில் டிம்பிள்சியா திட்டமிட்டு வாலிபர்களை ஏமாற்றியது தெரிய வந்தது. இதுகுறித்து பணம் கொடுத்து ஏமாந்த லோகேஸ்வரன் கூறுகையில் ‘ எங்களிடம் இருந்து பெற்றுக்கொண்ட பணத்தை டிம்பிள்சியா அவரது காதலனிடம் ஒப்படைத்துள்ளார்.

பணம் அவரிடம் தான் உள்ளது. நாங்கள் கொடுத்த பணத்தை கேட்டபோது டிம்பிள்சியா வெவ்வேறு இடங்களுக்கு எங்களை வரவழைத்து அலைகழிச்சார். சரி காவல் நிலையத்துக்கு வாருங்கள் என்று சொன்ன போது, அவரது தாய் எங்கள் மீது வேறொரு காவல் நிலையத்தில் அவருடைய பெண்ணை கடத்தி விட்டோம் என புகார் அளித்து விட்டார்’ என கூறினார். இதுகுறித்து வழக்கு பதிவு செய்துள்ள போலீசார் டிம்பிள்சியாவிடம் விசாரணை செய்து வருகின்றனர்.

Leave a Reply

Your email address will not be published. Required fields are marked *