அருமையான மதிய உணவு: சாம்பார் சாதம், lunch sambar rice recipe in tamil

ஆரோக்கிய சமையல்

குழந்தைகள் பள்ளியில் மதியம் சாப்பிட அருமையான உணவு சாம்பார் சாதம். இன்று இந்த ரெசிபியை செய்வது எப்படி என்று பார்க்கலாம்.

தேவையான பொருட்கள் :

அரிசி – 3/4 கப்

துவரம் பருப்பு – 1/2 கப்
தண்ணீர் – 4 கப்
விருப்பமான காய்கறிகள் – 1 கப்
(கேரட், பீன்ஸ், தக்காளி, வெங்காயம், முருங்கை)
புளி கரைசல் – 1/4 கப்
சாம்பார் பவுடர் – 3 டேபிள் ஸ்பூன்
மஞ்சள் தூள் – அரை டீஸ்பூன்
உப்பு – தேவைக்கு
பூண்டு – 10
நெய் – 1 தேவையான அளவு
பச்சைமிளகாய் – 5
எண்ணெய் – தேவையான அளவு

தாளிக்க :

நெய் – 2 டேபிள் ஸ்பூன்
கடுகு – 1/2 டீஸ்பூன்
சீரகம் –  அரை டீஸ்பூன்
காய்ந்த மிளகாய் – 3
பெருங்காய தூள் – சிறிதளவு

கறிவேப்பிலை – சிறிதளவு

செய்முறை :

வெங்காயம், காய்கறிகளை சிறிது துண்டுகளாக வெட்டிக்கொள்ளவும்.

முதலில் அரிசி, பருப்பு இரண்டையும் தண்ணீர் விட்டு நன்கு அலசி நான்கு கப் தண்ணீர் ஊற்றி பத்து நிமிடம் ஊற வைக்கவும். பிறகு அந்த தண்ணீரை வடித்துவிட்டு சிறிதளவு தண்ணீர் ஊற்றி உப்பு, நெய், ப.மிளகாய், பூண்டு சேர்த்து குக்கரில் மூன்று விசில் வரை வேக விடவும்.

பிறகு ஒரு சட்டியில் எண்ணெய் ஊற்றி சூடானதும் வெங்காயம், வெட்டி வைத்த காய்கறியை போட்டு அத்துடன் சாம்பார் பவுடர், மஞ்சள்தூள், உப்பு சேர்த்து நன்கு வதக்கவும்.

குக்கராக இருந்தால் காய்கறிகள் மூழ்கும் அளவு தண்ணீர் ஊற்றி ஒரு விசிலுக்கு வேக விடவும்.

காய்கறி வெந்ததும் புளி கரைசல் விட்டு நன்கு கொதித்ததும் நன்கு வெந்த பருப்பு சாதத்தை கலந்து விடவும்.

கடாயை அடுப்பில் வைத்து சூடானதும் தாளிக்க கொடுக்கப்பட்டுள்ள பொருட்களை போட்டு தாளித்து சாதத்தோடு சேர்த்து கிளறி கொத்தமல்லி இலை தூவி பரிமாறவும்.

சிம்பிளாக செய்யக்கூடிய சாம்பார் சாதம் ரெடி”.

Leave a Reply

Your email address will not be published. Required fields are marked *